Алтай таван богд

ОНЦЛОХ ТАВАН ОРГИЛ

Алтай Таван Богд нь нэрнээсээ хамааран таван үндсэн оргилоос бүрддэг:

1. Хүйтний оргил: Монгол улсын хамгийн өндөр цэг (4,374м)

2. Найрамдал оргил: Гурван улсын хилийн уулзвар (4,082 м)

3. Малчин оргил: Тусгай тоног төхөөрөмжгүйгээр авирч болох хамгийн дөхөм оргил (4,050м)

4. Бүргэд оргил: Сүрлэг шовх оройтой (4,068м)

5. Өлгий оргил: Мөнх цаст үзэсгэлэнт оргил (4,050М)

БАЙГАЛИЙН ӨВӨРМӨЦ ТОГТОЦ

1. Потанины мөсөн гол

      Монгол орны хамгийн том мөсөн гол энд оршдог. Урт нь 20 орчим км, өргөн нь 5 км хүрдэг бөгөөд Алтай Таван Богдын оргилуудаас эх авч урсана. Энэхүү мөсөн гол нь дэлхийн дулаарлын нөлөөгөөр сүүлийн жилүүдэд багасаж байгаа нь эрдэмтдийн анхаарлыг татаж буй.

2. Цагаан гол

      Мөсөн голын хайлсан уснаас эх авдаг тул шохой мэт сүүн цагаан өнгөтэй урсдаг нь байгалийн маш ховор үзэгдэл юм.

3. Хадны сүг зураг

   Алтай Таван Богдын байгалийн цогцолбор газарт орших Арал толгой, Шивээт хайрхан зэрэг газруудад хүрлийн үеийн асар олон тооны хадны сүг зураг бий. Энэ нь хүн төрөлхтний соёл иргэншлийн түүхийг харуулсан ЮНЕСКО-гийн дэлхийн өв юм.

АЯЛАГЧДАД ӨГӨХ ЗӨВЛӨГӨӨ

• Зөвшөөрөл: Хилийн бүс нутаг тул Хилийн цэргийн ангиас тусгай зөвшөөрөл авч нэвтэрнэ.

• Хэзээ очих вэ? Хамгийн тохиромжтой үе нь 7-р сараас 8-р сарын дунд хүртэл юм. Бусад үед цаг агаар маш тогтворгүй, хүйтэн байдаг.

• Тээвэр: Уул руу зөвхөн туулах чадвар сайтай машинаар очих боломжтой бөгөөд машинаас буугаад мөсөн гол руу хүрэхийн тулд 10-15 км явган эсвэл мориор аялдаг.