Нарсан ойн хүрээлэн

Хэнтий аймгийн Биндэр сумын төвөөс баруун хойш 14 км газарт Нарсан ойн хүрээлэн бий. Үүдний тохижилт нь гадаад улс орнуудын “Үндэсний цэцэрлэгт хүрээлэн”-гийн үүд хаалганы ерөнхий дүр зураг руу дөхсөн байдалтай. Эхэнд нь 20,30,40,50 гэсэн тоо бичсэн 5 нүхтэй сараалжин мод бий.

Хүрээлэнгийн дотор зэрлэг гахай, чоно, буга гөрөөс гэх мэт амьтдын баримал, шувууны үүрнүүд, амрах сандал ширээ, 4 тийш алхах чөлөөт зам байдаг. Нэг самбарт тус хүрээлэнгийн нэг захаас нөгөө зах хүртэл 1160 метр зайнд хамгийн хурдан гүйж рекорд тогтоосон 2 хүний нэр, гүйсэн хугацааг бичсэн байна. 

2016 оноос эхлэн “Нарсан ойн хүрээлэн”-гийн талбайг томсгон иргэд, байгууллагын тусламжтай тохижуулж эхэлсэн. 1 нарс мод жилд 6 кг нүүрсхүчлийн хийг шингээдэг аж. Энэхүү нарсан ойд 1 цаг алхахад 2.6 кубметр цэвэр агаараар амьсгална хэмээн тогтоожээ.

АЯЛАГЧДАД ӨГӨХ ЗӨВЛӨГӨӨ

• Гэрэл зураг: Өглөөний эрт эсвэл нар жаргах үед нарны гэрэл нарс моддын завсраар тусах үеийн "гэрлийн тоглолт" хамгийн гайхалтай зураг болдог.

• Явган алхалт: Ойн дундуур аялахдаа төөрөхөөс сэргийлж, зориулалтын жим, замаар явахыг зөвлөж байна. Мөн тайгын бүс тул хачиг болон шумуулаас хамгаалах бэлтгэлтэй байгаарай.

• Байгаль хамгаалал: Нарс мод нь маш амархан гал авалцдаг тул ил гал гаргахгүй байх, галын аюулгүй байдлыг дээд зэргээр сахих нь чухал.

• Байршил: Ойролцоох Батширээт сумын амралтын газруудад саатаж, нутгийн иргэдийн "Батширээт цөцгий" зэрэг алдартай сүүн бүтээгдэхүүнийг амтархан идэхийг сануулж байна.