Бурхан Халдун уул
Historical Sites

Бурхан Халдун уул

location_on Eastern Mongolia hiking Difficult

zoom_in Click image to enlarge

Бурхан Халдун уул нь Хэнтий аймгийн Өмнөдэлгэр сумын нутагт, Хэнтийн нурууны эвлэлд орших Монгол түмний шүтээн болсон төрийн тахилгатай уул бөгөөд Чингис хааны төрж өссөн, түүний амьдрал, түүхэн үйл хэрэгтэй салшгүй холбоотой дэлхийн соёлын хосгүй өв юм.

wb_sunny Best Time June to September
hiking Difficulty Difficult


Бурхан Халдун бол монгол түмний зүрх сэтгэл, сүсэг бишрэлд гүн шингэсэн, Хиад Боржигоны өвөг Боданчар мунхагийн үеэс эхлэн Чингис хааны үед Хамаг Монгол болон Монголын их эзэнт гүрний сүлд уул болгон тахиж ирсэн онгон дагшин хайрхан юм.

Уг уул нь Хэнтийн нуруун дахь ижил нэртэй 13 уулын хамгийн өндөр оргил бөгөөд "Монголын нууц товчоо"-нд 27 удаа дурдагдсан түүхэн ач холбогдол, археологийн ямар нэгэн ул мөр илрээгүй онгон төрх, зан заншлын соёлыг хадгалсан үзүүлэлтээрээ ЮНЕСКО-гийн дэлхийн соёлын өвд бүртгэгджээ. Хайрхан нь бэлээсээ орой хүртэлх зайд орших доод, дунд, дээд гэсэн гурван овоотой бөгөөд дунд овооны дэд хэсэгт метр орчим голчтой хүрэл тогоо, уулын оройн зууван хавцалд тунгалаг нуур байдаг. ШУА-ийн газар зүйн хүрээлэнгийн эрдэмтэн Базаргүрийн дэвшүүлсэн судалгаагаар, Тэмүжиний тайчуудаас зугтан олон жил амьдарсан Бүрги эргээс 24 км-т орших Мөнхжаргалан уул нь жинхэнэ төрийн тахилгатай Бурхан Халдун байх ёстой бөгөөд Чингис хаан дайлаар мордохдоо уг уулыг тахиж аргаддаг байсан хэмээн тогтоосон байна.

Энэхүү нутаг дэвсгэрт Сарьдагийн хийдийн туурь, Хагийн хар нуур, Өглөгчийн хэрэм зэрэг байгалийн үзэсгэлэнт газар, түүх соёлын өвүүд, төрөл бүрийн булш хиргисүүр, хүн чулуу, буган хөшөөнүүд давхар хамгаалагдан үлдсэн байдаг. Анх 1818 оноос албан ёсоор тахиж ирсэн тус уулыг 1995 оноос хойш Монгол Улсын Ерөнхийлөгч нарын гаргасан зарлигаар “Төрийн тахилгат уул” хэмээн баталгаажуулж, уулын тэнгэрийг тайх төрийн ёслолыг 4 жилд нэг удаа үйлдэж байхаар тогтсоны дагуу 1998 оноос хойш үе шаттайгаар төрийн тахилгыг үйлдэж иржээ.

 

АЯЛАГЧДАД ӨГӨХ ЗӨВЛӨГӨӨ

  • Зөвхөн тусгай зөвшөөрлөөр (аймгийн засаг даргын шийдвэр) нэвтэрч болдог — урьдчилан бичиг бүрдүүлэх шаардлагатай

  • 4x4 тээврийн хэрэгсэл ЗААВАЛ — зам нь улирлын чанартай, зарим хэсэг ус гатлана

  • Туршлагатай хөтөчтэй цуг явах шаардлагатай

  • Дулаан хувцас авч явах

 


map Location on Map

open_in_new Open in Google Maps

Explore More

Similar Destinations

Их Бурхант цогцолбор Moderate

Их Бурхант цогцолбор

location_onДорнод аймаг

Дорнод аймгийн Халхгол сумын нутагт, Халх голын зүүн эрэгт орших Их Бурхант цогцолбор нь Монголын хамгийн том, хэвтээ хэлбэрээр бүтээгдсэн Мэгжид Жанрайсиг бурхны дурсгал юм. Энэхүү байгууламж нь XIX зууны Монголчуудын соёл, шашин, уран барилгын гайхамшигт өвд тооцогддог.

Explore arrow_forward
Дэлүүн болдог Moderate

Дэлүүн болдог

location_onХэнтий аймаг

Хэнтий аймгийн Дадал сумын нутагт, Онон болон Балж голын бэлчирт орших Дэлүүн болдог нь дэлхийн түүхэн дэх хамгийн агуу байлдан дагуулагч, Их Монгол Улсыг үндэслэгч Чингис хааны мэндэлсэн газар юм. Энэхүү газар нь монголчуудын төдийгүй дэлхийн түүх сонирхогчдын хувьд оюун санааны маш том төв, шүтээн болон оршдог.

Explore arrow_forward
Чингис хааны гэрэлт хөшөө Moderate

Чингис хааны гэрэлт хөшөө

location_onХэнтий аймаг

Хэнтий аймгийн Дадал сумын нутагт, Онон голын хөндийг тольдон орших "Чингис хааны гэрэлт хөшөө" нь Их хааны мэндэлсэн нутагт түүний сүр хүч, түүхэн алдар гавьяаг мөнхжүүлэн босгосон соёлын дурсгал юм.

Explore arrow_forward

Ready to Visit Бурхан Халдун уул?

Our experts will craft the perfect itinerary tailored to you.

Tailor My Trip Talk to an Expert