Зайсан толгой (Зөвлөлтийн дайчдын хөшөө)

Зайсан толгой нь Улаанбаатар хотын өмнө талд орших толгой юм. Улаанбаатар хотын төв хэсгийг тольдон харах боломжтой, Улаанбаатарынхны чөлөөт цагаа өнгөрөөх болон жуулчдын очих дуртай газруудын нэг.

Зайсан толгойн  оройд байх Зөвлөлтийн армийн дайчдад зориулан 1971 онд бүтээн босгосон дурсгалын цогцолбор юм. Цогцолборын доод ханан дээр “Энд Зөвлөлтийн дайчдын дурсгалыг тэнгэрт нартай хамт мөнхлөв, газарт галтай цуг дархлав” гэсэн үгийг сийлжээ. Орой өөд 600 гаруй гишгүүр бүхий 300 метр урт шатаар өгсөж Зөвлөлтийн цэрэг эрийн хөшөө бүхий дугуй ханаар хүрээлэгдсэн талбайд хүрнэ. Талбайн төв дунд 3 метрийн голчтой мөнхийн гал буюу “тулга” байдаг бөгөөд амь үрэгдсэн дайчдын гэгээн дурсгалыг үүрд дурсан санахыг бэлгэдсэн байдаг. Дугуй хананы тойрог урт нь 60 метр бөгөөд төмөр бетоноор цутгаж хийжээ. Хананы гадна талаар Монгол Зөвлөлтийн гавъяаны одонгуудыг товойлгон сийлж Монгол үндэсний хээ угалзаар чимсэн байдаг бол хананы дотор талд шилэн шигтгэмэлийн аргаар урласан хоёр орны ард түмний найрамдалт харилцааг он дарааллаар илэрхийлсэн зураглал бий.

Цэрэг эрийн хөшөө 27 метр өндөр, нэг гартаа зэвсгээ бариад, нөгөө гартаа ялалтын тугаа барьсан байдаг. Энэ өндөрлөгөөс Улаанбаатар хотыг бүхэлд нь тольдон харах боломжтой.

АЯЛАГЧДАД ӨГӨХ ЗӨВЛӨГӨӨ

• Гэрэл зураг: Хотын шөнийн гэрэлтүүлгийг авахад хамгийн тохиромжтой. Хэрэв та нар мандах эсвэл жаргах үеэр очвол хотын барилгууд алтан шаргал туяанд маш үзэсгэлэнтэй харагддаг.

• Алхалт: Толгойн орой руу гарахад 300 гаруй шатаар өгсдөг тул хөнгөн явган алхалт хийхэд тохиромжтой. Мөн сүүлийн үед цахилгаан шатаар (Zaisan Hill дотор) дамжин гарах боломжтой болсон.

• Ойр орчим: Зайсан толгойтой залгаа Богд хан уулын аманд байрлах "Будда Парк" (Авидар бурхны хөшөө) болон Солонгос-Монголын найрамдлын цэцэрлэгт хүрээлэнгээр зочлох боломжтой.