Улаанбаатар хот - Тэрэлж - 2 өдрийн аялал
Trip Overview
Горхи-Тэрэлжийн байгалийн цогцолбор газар
Монгол орныг зорин ирж буй жуулчдын хамгийн түрүүнд очих ёстой газруудын нэг бол Тэрэлж юм. Улаанбаатар хотоос ердөө 70 км зайд, хатуу хучилттай замаар саадгүй хүрэх боломжтой энэхүү байгалийн цогцолбор газар нь Альпийн нурууг санагдуулам өндөр уулс, өтгөн ой мод болон боржин хадны өвөрмөц тогтцоороо дэлхийд алдартай.
Аяллын онцлох чиглэлүүд:
Мэлхий хад (Turtle Rock): Байгаль эх өөрөө урласан мэт аварга том мэлхийн хэлбэртэй энэхүү хад нь Тэрэлжийн нэрийн хуудас юм. Энд та гэрэл зураг авахуулахаас гадна хадны ойролцоо тэмээ, морь унаж, нүүдэлчин ахуйн мэдрэмжийг авах боломжтой.
Аръяабал бясалгалын хийд: Мэлхий хаднаас 3 км зайд орших энэхүү хийд нь амар амгалангийн эрэлхийлэгчдийн очих дуртай газар юм. Хийд рүү хүрэх замын 108 шат нь Буддын шашны эрхиний тоог бэлгэдэх бөгөөд үүгээр өгсөх нь сэтгэл санаагаа ариусгах зан үйл болдог. Алсаас харахад цагаан зааны дүр төрхийг санагдуулам энэхүү хийдийн орой дээрээс Тэрэлжийн байгалийн үзэмжийг бүхэлд нь тольдох боломжтой.
Нүүдэлчин ахуйтай танилцах: Олон зууны турш өөрчлөгдөөгүй ирсэн нүүдэлчин амьдралын хэв маягийг биеэр мэдэрнэ. Та малчин айлд зочилж, цагаан идээ боловсруулах, мал туух зэрэг өдөр тутмын ажилд нь туслалцаж, жинхэнэ нүүдэлчний соёлтой танилцах боломжтой.
"Чингис хаан" морьт хөшөөт цогцолбор (Цонжин болдог)
Улаанбаатараас зүүн зүгт 54 км зайд орших энэхүү цогцолбор нь дэлхийн хамгийн том морьт хөшөө гэдгээрээ Гиннесийн амжилтад бүртгэгдсэн байдаг.
Бэлгэдэл ба үзэмж: 40 метр өндөр энэхүү аварга байгууламж нь Эзэн Чингис хаан алтан ташуур олсон түүхт Цонжин болдог толгой дээр сүндэрлэдэг.
Дотор бүтэц: Цогцолборын суурь хэсэгт түүхийн музей, ресторан, бэлэг дурсгалын дэлгүүр болон амралтын бүсүүд байрлана.
Үзвэрийн талбай: Жуулчид цахилгаан шатаар болон шатаар дамжин морины дэл дээр гарч, хөшөөний орчин тойрон болон Туул голын хөндийг алсаас харах боломжтой.
Day-by-Day Itinerary
09:30 – Аяллын эхлэл: Бид таныг байрлаж буй зочид буудлаас тань товлосон цагт авснаар Монголын хамгийн алдартай байгалийн цогцолбор газар болох Тэрэлж рүү хөдөлнө.
Зам зуурт – Овоо тахих ёсон: Монголчуудын байгаль дэлхийгээ дээдлэн шүтэх уламжлалын илэрхийлэл болсон овоон дээр зогсож, зан үйлтэй танилцан хийморио сэргээнэ.
Үдийн хоол: Байгалийн үзэсгэлэн төгс хөндийд байрлах жуулчны баазад тухлан саатаж, үдийн зоог барина.
Тэрэлжийн бэлгэдэл болсон, байгалийн ховор тогтоц бүхий Мэлхий хад-ны дэргэд дурсгалын зураг татуулах.
Сүрлэг хад асга, уулсаар хүрээлэгдсэн Арьяабалын бясалгалын хийд рүү өгсөж, сэтгэл ариусгам амар амгаланг мэдрэх.
Нүүдэлчин ахуйтай танилцах: Жирийн малчин айлд зочилж, нүүдэлчдийн зочломтгой зан, ахуй амьдралтай танилцан, шинэхэн цагаан идээ амтлах.
Чөлөөт цаг: Хөтөлбөрийн дараа морь унаж, байгалийн сайханд аялах бүрэн боломжтой.
Оройн хоол ба амралт: Үдшийг жуулчны баазад тухлан өнгөрүүлнэ.
Өглөөний цай: Тухлан амарч, өглөөний цайгаа зооглоод дэлхийн хамгийн өндөр морьт хөшөө болох "Чингис хааны хөшөөт цогцолбор"-ыг зорино.
Түүхэн дурсгал: 40 метр өндөр сүрлэг хөшөөний доторх музейг үзэж, морины дэл дээрх талбайгаас орчны байгалийг панорама байдлаар тольдон харах.
Үдийн хоол: Цогцолборт байрлах ресторанд үдийн зоог барина.
У угсаатны соёл – Хасаг айл: Буцах замдаа Налайх дүүрэгт нутаглах Казах гэр бүлээр зочилно. Казах түмний өвөрмөц соёл, гараар урласан гоёмсог ханын хивсээр чимэглэсэн халуун дулаан уур амьсгалтай гэр болон тэдний зочломтгой зан заншилтай танилцана.
Улаанбаатар руу буцах: Хотын зүг хөдөлж, 18:00 цагт таныг зочид буудалд тань хүргэж өгснөөр аялал маань өндөрлөнө.
Destinations
.jpg)
Included Activities
What's Included
Included
- check Мэргэжлийн хөтөч тайлбарлагч
- check Жуулчны баазын хоёр ортой стандарт өрөөнд 1 хонох.
- check Хөтөлбөрт тусгагдсан хоолнууд (1 өглөөний цай, 2 үдийн хоол, 1 оройн хоол).
- check Аяллын туршид үйлчлэх тухтай, хувийн автомашин
- check Хөтөлбөрт багтсан бүх түүхэн дурсгалт газар, музейн тасалбар болон нэвтрэх хураамж.
- check Аялагч бүрт өдөрт 2 лонх цэвэр ус (үнэ төлбөргүй).
- check Засгийн газрын болон орон нутгийн бүх татвар, үйлчилгээний шимтгэл.
Not Included
- close Улаанбаатар хот дахь байрлах газар
- close Аяллын хөтөлбөрт тусгайлан заагаагүй бусад үйлчилгээнүүд
- close Гарын мөнгө болон хувийн хэрэгцээний зардлууд
- close Аяллын даатгал
