Орхоны хөндий 14 хоногийн аялал

Эрдэнэ зуу хийд (47.201547222105106, 102.84100998665343) Эрдэнэ Зуу хийд нь Монгол Улс дахь хамгийн эртний Бурхны шашны хийд юм. Тус хийд нь Өвөрхангай аймгийн Хархорин сумын төвийн ойролцоо, эртний хот Хархорумын туурийн хажууд байрладаг. Автай сайн хаан 1586 онд III Далай ламтай биечлэн уулзаж, Бурханы шашныг Халхад дэлгэрүүлэхээр тохироод Эрдэнэ Зуу хийдийг байгуулах ажлаа эхлүүлжээ. Хархорум хотын туурин дээр үлдсэн чулуун ханыг зөөж авчраад хийдийг босгосон түүхтэй. Гадуураа 108 суварга бүхий 400х400 метрийн хэмжээтэй, дөрвөн талдаа асар хаалгатай хэрмэн дотор байдаг монголын анхны буддын энэ хийд 1792 онд 62 сүм, 500-аад барилга, 10 мянган ламтай байснаас өдгөө 18 сүм дуган үлджээ. Эрдэнэ Зуугийн сүм дуганууд XVII зууны үеийн Монголын уран барималч, зураач, дархчуулын хийсэн алдарт сайхан бүтээлүүд болох уран зураг, хээ угалз, сийлбэр, баримал, цутгамал бурхад, суварга, үнэт чулуун чимэгтэй хорол мандал, цамын баг, хувцас зэрэг соёл урлагийн үнэт өвийг хадгалсаар иржээ. Аялагчдад хэрэгтэй мэдээлэл Байршил: Өвөрхангай аймаг, Хархорин сум Ажлын цаг: Даваа–Баасан 09:00–18:00 (Бямба, Ням — хаалттай) Үнэлгээ: 4.5 / 5 ЮНЕСКО: 2004 оноос Дэлхийн өвийн жагсаалтад Жилийн жуулчин: 20,000+ гадаад, дотоодын зочид Зөвлөмж: Өглөө 09:00 цагаас өмнө очвол ламын тарнийн дуунаар угтуулна